Հայտնի է ինչ է գրել նամակում երեկ մահացած զինվորը

Bavnews.am-ի տեղեկություններով՝ զինվորը մահվանից առաջ նամակ է գրել՝ ներողություն խնդրելով ընկերներից ու հարազատներից։

Ըստ աղբյուրների՝ նա խնդիրներ է ունեցել զորամասում, իսկ դեպքի հանգամանքները՝ ինքնասպանություն, թե սպանություն, ներկայումս քննվում են։

Ապրիլի 14-ին մահվան հերթական դեպքն է գրանցվել ՀՀ ՊՆ զորամասերից մեկում։

Ժամը 16։00-ի սահմաններում զինվորին տեղափոխելիս դեպի «Մուրացան» զինվորական հոսպիտալ, նա մահացել է։

Տեղում աշխատում են ռազմական ոստիկանության և ՊՆ գլխավոր շտաբի բարձրաստիճան սպաներ՝ պարզելու մանրամասները։ Հիշեցնենք՝ 19-ամյա Նարեկ Հակոբյանը հոսպիտալ է տեղափոխվել Նուբարաշենի պոլիգոնից՝ հրազենային վնասվածքով։

Դեպքի առթիվ նախաձեռնվել է քրեական վարույթ, և քննությունը շարունակվում է։