Արտակարգ դեպք Շիրակի մարզում. պահարանը ընկել է 5-ամյա աղջնակի գլխին. բժիշկները պայքարում են երեխայի կյանքի համար
Արտակարգ դեպք Շիրակի մարզում. պահարանը ընկել է 5-ամյա աղջնակի գլխին. բժիշկները պայքարում են երեխայի կյանքի համար
Shamshyan.com-ի տեղեկություններով՝ ՀՀ Ներքին գործերի նախարարության Ոստիկանության Արթիկի բաժին մայիսի 20-ին ահազանգ է ստացվել «Գյումրու մոր և մանկան ավստրիական» հիվանդանոցից և հայտնել են, որ իրենց մոտ է տեղափոխվել «գլխուղեղի փակ վնասվածք, գագաթոսկրի գծային կոտրվածք առանց տեղաշարժի» ախտորոշմամբ երեխա:
Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել ոստիկանության Արթիկի բաժնի օպերատիվ խումբը՝ բաժնի պետ Հարություն Ադամյանի և բաժնի պետի տեղակալ Մաթիլյանի գլխավորությամբ:
Ոստիկանները պարզել են, որ երեխան 5-ամյա աղջնակ է, ով հիվանդանոց է տեղափոխվել Շիրակի մարզի գյուղերից մեկից:
Պարզվել է նաև, որ 1 օր առաջ երեխան գտնվել է իրենց տանը և զգեստապահարանը ընկել է երեխայի վրա, ով ստացել է վնասվածք:
Դեպքի փաստով Ոստիկանության Արթիկի բաժնում նախապատրաստվել են նյութեր և այն փոխանցվել է Հայաստանի Քննչական կոմիտեի Շիրակի մարզային քննչական վարչություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։
