Ավտովթար Տավուշի մարզում. 42-ամյա վարորդը Mercedes-ով հայտնվել է Աղստև գետում. կա վիրավոր
Ավտովթար Տավուշի մարզում. 42-ամյա վարորդը Mercedes-ով հայտնվել է Աղստև գետում. կա վիրավոր
Shamshyan.com-ը գրում է․ Այսօր՝ փետրվարի 26-ին, ավտովթար է տեղի ունեցել Տավուշի մարզում:
Ժամը 07:50-ի սահմաններում Երևանի բնակիչ 42-ամյա Գևորգ Մելիքյանը իր վարած Mercedes մակնիշի ավտոմեքենայով Դիլիջան-Իջևան ավտոճանապարհի 10-րդ կմ հատվածում դուրս է եկել երթևեկելի գոտուց և հայտնվել Աղստև գետում:
Վթարի հետևանքով վարորդը մարմնական վնասվածքներով օպերատիվորեն դեպքի վայր ժամանած «Դիլիջան» բժշկական կենտրոնի բժիշկների կողմից նախ տեղում առաջին բուժօգնություն է ստացել, ապա տեղափոխվել «Դիլիջան» բժշկական կենտրոն:
Վարորդին և ուղևորին առաջինը օգնության են հասել քաղաքացիները, բարեբախտաբար ուղևորը չի տուժել:
Ավտոմեքենան փրկարարների, պարեկների և քաղաքացիների օգնությամբ դուրս է բերվել գետից:
Վթարի փաստով ՀՀ ՆԳՆ Ոստիկանության Պարեկային ծառայության Տավուշի գումարտակում նյութեր են նախապատրաստվում:
