13 զոհվածի աճյուն է փոխանցվել հարազատներին
13 զոհվածի աճյուն է փոխանցվել հարազատներին
Քննչական կոմիտեում ավարտվել է նոյեմբերի 28-ին հայկական կողմին վերադարձված՝ 2022 թվականի սեպտեմբերի 13-14-ի մարտերի ընթացքում զոհված 13 զինծառայողների դիերի նույնականացման գործընթացը, զոհվածների աճյունները փոխանցվել են հարազատներին։
Քննչական կոմիտեից փոխանցում են, որ ռազմական այդ ագրեսիայի փաստի առթիվ ՔԿ-ում քննվող վարույթի շրջանակներում նախաքննությունը շարունակվում է։ Դատաբժշկական փորձաքննությունը դեռևս ընթացքի մեջ է.
«Այս պահին արդեն կարող ենք հստակ նշել, որ անհայտ է մնում 2022 թվականի սեպտեմբերի 13-14-ի մարտական գործողություններին մասնակցած ՀՀ ԶՈՒ 3 զինծառայողների գտնվելու վայրը»։
Նշենք, որ այդ օրերին Ադրբեջանը կրակել էր նաեւ հայկական գյուղերի վրա։
