Ուկրաինացիներին կոչ են արել լքել երկիրը մինչև ձմեռ
Ուկրաինացիներին կոչ են արել լքել երկիրը մինչև ձմեռ
Այն ուկրաինացիները, ովքեր կարող են դա իրենց թույլ տալ, պետք է պատրաստ լինեն լքելու երկիրը մինչև ձմռան սկսվելը, BBC-ին տված հարցազրույցում ասել է Ուկրաինայի խոշորագույն մասնավոր էներգետիկ DTEK ընկերության ղեկավար Մաքսիմ Տիմչենկոն։
Ավելի վաղ Ուկրաինայի կառավարությունը հայտարարել էր, որ ռուսական վերջին հրթիռային հարվածները ոչնչացրել են երկրի էլեկտրացանցերի գրեթե կեսը:
Տիմչենկոն զգուշացրել է, որ հերթական զանգվածային հարձակումը կարող է շարքից հանել ամբողջ համակարգը: Նա ասել է, որ ուկրաինացիները պետք է մտածեն այն մասին, որ այդ քայլը թեթևացնելու է էներգետիկ համակարգի լարվածությունը:
«Սա արտակարգ իրավիճակ չէ, երբ պետք է անհապաղ տարհանում կազմակերպել, բայց մենք պետք է ամեն ինչ կազմակերպենք, որպեսզի սպառումը լինի հնարավորինս արդյունավետ:
Եթե դուք ավելի քիչ սպառեք, ապա վիրավոր զինվորներով հիվանդանոցները երաշխավորված կլինեն էլեկտրաէներգիայով»,- ասել է նա։
