Ինչպես է գնահատվում ցրտահարված զինվորի առողջական վիճակը
Ինչպես է գնահատվում ցրտահարված զինվորի առողջական վիճակը
Պաշտպանության նախարար Վաղարշակ Հարությունյանն այցելել է ՊՆ կենտրոնական կլինիկական զինվորական հոսպիտալ, տեսակցել ձնաբքի պայմաններում ԶՈՒ N զորամասի մարտական հենակետից մյուսն անցնելու ընթացքում մոլորված և դրա արդյունքում ցրտահարված պայմանագրային զինծառայող Կարեն Շահնազարյանին:
ՀՀ ՊՆ-ն հաղորդում է, որ զինծառայողի առողջական վիճակը գնահատվում է միջին ծանրության:
Պաշտպանության նախարարը զրուցել է Կարեն Շահնազարյանի հետ՝ մաղթելով շուտափույթ ապաքինում։
Երեկ նախարարությունը հաղորդեց, որ խիստ ձնաբքի պայմաններում ԶՈՒ N զորամասի մարտական հենակետից մյուս հենակետ անցնելու ընթացքում մարտի 21-ին կորել է կապը երկու պայմանագրային զինծառայողի հետ։
Մարտի 22-ին, օրվա երկրորդ կեսին, հաջողվել է տեղորոշել երկու զինծառայողների գտնվելու վայրը։
Եղանակային ծայրահեղ բարդ պայմաններում տարհանման աշխատանքներն իրականացնելուց հետո Կ. Շահնազարյանը տեղափոխվել է զինվորական հոսպիտալ։ Ա. Հովհաննիսյանի կյանքը փրկել չի հաջողվել:
