Հադրութի Վարդաշատ գյուղում ադրբեջանցիների կողմից սպանված 80 տարեկան Նինա տատիկի դին է հայտնաբերվել
Հադրութի Վարդաշատ գյուղում ադրբեջանցիների կողմից սպանված 80 տարեկան Նինա տատիկի դին է հայտնաբերվել
Արցախի ՄԻՊ Արտակ Բեգլարյանը ֆեյսբուքյան իր էջում գրել է․
«Արցախի մարդու իրավունքների պաշտպանի փաստահավաք առաքելության շրջանակներում կատարված աշխատանքների արդյունքում պարզել ենք, որ որոնողական աշխատանքների ընթացքում Հադրութի շրջանի Վարդաշատ գյուղում գտնված կնոջ մարմինը բարձր հավանականությամբ Նինա Դավիթյանն է:
Ինքնությունը վերջնականորեն կհաստատվի ԴՆԹ անալիզի արդյունքներով:
Նինա տատիկը 80 տարեկան էր, ով իր ամուսնու՝ Դավիթ Դավիթյանի հետ մնացել էր Վարդաշատ գյուղի իր տանը և սպանվել ադրբեջանական զինծառայողների կողմից:
Փորձաքննության նախնական տվյալներով՝ մարմնի կրծքավանդակին և աջ ձեռքին առկա են հրազենային վնասվածքներ, իսկ գլխի որոշ ոսկորներ ջախջախված են, ինչը կարող է լինել կա՛մ հրազենային, կա՛մ կոշտ առարկայի հարվածի հետևանք:
Նշեմ, որ ամուսնու ճակատագրի մասին որևէ տեղեկություն դեռ չկա:
