ԺամանցՄամուլ

11 մլն դրամանոց ժամացույց, 30 հազար դոլարանոց ականջօղեր. հայ պաշտոնյաների կանանց գնումները

11 մլն դրամանոց ժամացույց, 30 հազար դոլարանոց ականջօղեր, շքեղ ավտոմեքենա և բնակարան. հայ պաշտոնյաների կանանցից ոմանք բավականին շռայլ են գնումների հարցում։ Wnews.am-ը ներկայացնում է ամենաթանկարժեք գնումները, որոնք նրանք արել են 2016-2017թթ. ընթացքում։

ՀՀ պաշտպանության նախարար Վիգեն Սարգսյանի կինը՝ Լուսինե Գալաջյանը, 2017-ին ներկայացրած հայտարարագրում նշել է, որ ձեռք է բերել 10,117,500 դրամ արժողությամբ TOYOTA CAMRY 2.5 GAS մակնիշի ավտոմեքենա։

Սյունիքի մարզպետ Վահե Հակոբյանի կինը՝ Էլիզաբեթ Պետրոսյանը, 2017-ին ներկայացրած հայտարարագրում նշել է, որ ձեռք է բերել 11 մլն դրամ արժողությամբ ժամացույց։

ԱԺ նախագահ Արա Բաբլոյանի կինը՝ Մանուշակ Երիցյանը, ձեռք է բերել 829,981,536 դրամի բաժնեմաս։

ԱԺ պատգամավոր Ալիկ Սարգսյանի կինը՝ Անահիտ Սարգսյանը, ձեռք է բերել 5 մլ 833 հազար դրամի բազմաբնակարան շենքի ոչ բնակելի տարածքը։

ԱԺ պատգամավոր Արմեն Բաբայանի կինը՝ Ամալյա Եվանգուլյանը, ձեռք է բերել 53,467,700 դրամ արժողությամբ բնակարան։

Պատգամավոր Սամվել Ալեքսանյանի կինը՝ Շողերինա Մկրտչյանը, ձեռք է բերել 6 մլն 701 հազար դրամի հողամաս, 7 մլն 425 հազար դրամի արտադրական նշանակության շինություն։

Պատգամավոր Միհրան Պողոսյանի կինը՝ Կարինե Մխիթարյանը, 2016-ին ձեռք է բերել 70,000 դոլար արժողությամբ RANGE ROVER SPORT – HSE մակնիշի ավտոմեքենա։

Պատգամավոր Արայիկ Գրիգորյանի կինը՝ Նարինե Վարդանյանը, գնել է 25 մլն դրամ արժողությամբ բնակարան և 5 մլն դրամ արժողությամբ ավտոտնակ։

Պատգամավոր Վահան Հարությունյանի կինը՝ Նարինե Գրդզելյանը, գնել է 12 մլն 600 հազար դրամ արժողությամբ բնակարան։

Պատգամավոր Գագիկ Ծառուկյանի կինը՝ Ջավահիր Ծառուկյանը, 2017-ին ձեռք է բերել 30.000 դոլարանոց ականջօղեր։

Պատգամավոր Տիգրան Ուրիխանյանի կինը՝ Եկատերինա Չերկաշինան, ձեռք է բերել 2 մլն դրամ արժողությամբ VOLKSWAGEN TOUAREG 3.2 մեքենա, որը վաճառել է և գնել 320,000 դրամ արժողությամբ MITSUBISHI PAJERO IO 2.0 մակնիշի մեքենա։

Աղբյուր՝ wnews.am

Կիսվել նյութով