Մամուլ

Փաշինյանն ունի մոտ 1800 դոլար, իսկ տիկին Հակոբյանը՝ 1000 դոլար, որոնք հայտարարագրված են

Փաշինյանն ունի մոտ 1800 դոլար, իսկ տիկին Հակոբյանը՝ 1000 դոլար, որոնք հայտարարագրված են

ՀՀ վարչապետ Նիկոլ Փաշինյանը և նրա տիկին Աննա Հակոբյանը 2019 թվականի մարտի 28-ին բարձրաստիճան պաշտոնատար անձանց էթիկայի հանձնաժողով են ներկայացրել իրենց գույքի և եկամուտների 2018 թվականի տարեկան հայտարարագիրը:

Վարչապետի դրամական միջոցները 2018 թվականի տարեսկզբում կազմել են 1800 դոլար և 790 հազար դրամ, որը տարեվերջում փոփոխության չի ենթարկվել:

Հարկային տարում վարչապետն ունեցել է 13 մլն 963 հազար 230 դրամի չափով եկամուտ։ 3 մլն 426 հազար 615 դրամ՝ աշխատավարձից, 6 մլն 617 հազար 520 դրամ՝ մեկ այլ աշխատավարձից, 3 մլն 919 հազար 95 դրամ՝ գրականության, արվեստի կամ գիտական աշխատանքի օգտագործման համար ստացվող հատուցումից:

Հակոբյանի դրամական միջոցները թե՛ տարեսկզբին եւ թե՛ տարեվերջին նույն չափ են մնացել՝ 1000 դոլար:

Հակոբյանի եկամուտները կազմել են 11 մլն 508 հազար 927 դրամ, 671 հազար 625 դրամ՝ աշխատավարձից, 5 մլն 940 հազար դրամ՝ վարձակալության դիմաց ստացված վճարից, 1 մլն 657 հազար 302 դրամ՝ մեկ այլ աշխատանքի դիմաց ստացված վարձատրությունից, 3 մլն 240 հազար դրամ՝ վարձակալության դիմաց ստացված վճարից:

Կիսվել նյութով