Փաշինյանի ու Տոնոյանի տղաներին հենց հիմա ուղարկեք այն դիրքը, որտեղ երեկ զինվոր է խփվել․ Վահագն Ավագյան
Փաշինյանի ու Տոնոյանի տղաներին հենց հիմա ուղարկեք այն դիրքը, որտեղ երեկ զինվոր է խփվել։ «Սասնա Ծռեր» կուսակցության մամուլի խոսնակ Վահագն Ավագյանը ֆեյսբուքյան իր էջում գրել է.
«Երեկ կրկին զոհ ենք ունեցել սահմանին: Մի կողմ թողնենք, որ ՀՀԿ-ի նման «Իմ Քայլը» որևէ կերպ չի արձագանքում ՀԱՊԿ անդամ պետությունների կողմից իրենց պարտավորությունները Հայաստանի նկատմամբ չկատարելուն, այժմ վստահությամբ կարող ենք փաստել, որ «Իմ Քայլը» ընտրել է բացարձակ նույն ռազմավարությունը, ինչ ունեցել է ՀՀԿ-ն՝ մադրիդյան սկզբունքներ, Արցախի «անկախացում», մեր զինվորների արյան հաշվին հնարավորինս երկար կառավարում:
Դավիթ Տոնոյանը հայտարարել էր, որ ագրեսիայի դեպքում կլինեն նոր տարածքների ազատագրում: Ո՞ւր է այդ մարտավարությունը: Նիկոլից պոպուլիզմ են սովորել, միայն դա են կարողանում: Ամեն մեկը իր Փիառի համար է անհանգստանում: Դուք հասկանու՞մ եք, որ մարդկային կյանքեր են:
Նիկոլի ու Տոնոյանի տղաներին հենց հիմա ուղարկեք այն դիրքը, որտեղ երեկ զինվոր է խփվել ու հետո ձեր քաղաքականությունը տարեք՝ անշնորհքներ»:
