Տհաճ հոտը խուճապ է առաջացրել ինքնաթիռում․ մի քանի ուղևոր հոսպիտալացվել է

ԱՄՆ-ում Frontier Airlines ավիաընկերության ինքնաթիռը ստիպված է եղել ընդհատել թռիչքի մեկնարկը՝ սրահում տարածված անհայտ ծագման տհաճ հոտի պատճառով։

Միջադեպը տեղի է ունեցել մայիսի 30-ին՝ Օռլանդոյի միջազգային օդանավակայանում։

Դեպքից հետո օդանավը վերադարձվել է նստեցման ելքի մոտ, որտեղ ուղևորներին զննել են բժիշկները։

Ըստ տեղեկությունների՝ երեք ուղևոր տեղափոխվել է հիվանդանոց՝ լրացուցիչ հետազոտության և բուժզննման նպատակով։

Նշվում է, որ վերջին ամիսներին սա նմանատիպ առաջին դեպքը չէ։

Ավելի վաղ մեկ այլ ավիաընկերության ինքնաթիռ նույնպես ստիպված էր արտակարգ վայրէջք կատարել՝ սրահում տարածված տարօրինակ հոտի պատճառով։