Վարդանյան ընտանիքը 400 միլիոն դրամ է փոխանցել Ստեփանակերտի Մայր Տաճարի կառուցմանը

Վարդանյան ընտանիքը 400 միլիոն դրամ է փոխանցել Ստեփանակերտի Մայր Տաճարի կառուցմանը:

Արցախի մայրաքաղաքում Մայր տաճար ունենալու գաղափարը Հայ Առաքելական Եկեղեցու Արցախի թեմի առաջնորդ Պարգև արքեպիսկոպոս Մարտիրոսյանինն է եղել:

Գաղափարն իրականացնելու համար վերջինս դիմել է մի շարք բարերարների: Առաջինն արձագանքել է հայտնի բարերար երջանկահիշատակ Հրանտ Վարդանյանը, որը և կատարել է սկզբնական ամենախոշոր նվիրատվությունը:

Եկեղեցու կառուցման ֆինանսավորումը շարունակել են Հրանտ Վարդանյանի որդիները` Միքայել և Կարեն Վարդանյանները:

Վարդանյան ընտանիքը Ստեփանակերտի Մայր տաճարի կառուցման համար ընդհանուր առմամբ նվիրաբերել է 400 մլն դրամ: