Աշխարհ

Ռուսաստանը շատ հզոր պետություն է, ստիպված են լինելու բանակցել․ Մակրոն

Ռուսաստանը շատ հզոր պետություն է, ստիպված են լինելու բանակցել․ Մակրոն

Ֆրանսիայի նախագահ Էմանուել Մակրոնը հայտարարել է, որ Ռուսաստանը հզոր երկիր է եւ Ուկրաինան ստիպված է լինելու բանակցություններ վարել Ռուսաստանի հետ։ Այս մասին նա ասել է Ռումինիա կատարած այցի ընթացքում։

«Ուկրաինայի նախագահն ու իշխանության մյուս ներկայացուցիչները ստիպված են լինելու բանակցել Ռուսաստանի հետ»,- մասնավորապես ասել է Մակրոնը։ Նա հավելել է, որ եվրոպացիները պետք է մասնակցեն այդ բանակցություններին եւ հանդես գան որպես անվտանգության երաշխավոր։

putin makron

Մակրոնը հիշեցրել է, որ եւ Ռուսաստանը եւ ԵՄ-ն եւ Ուկրաինան գտնվում են նույն մայրցամաքում։

«Մենք ուզում ենք հասնել նրան, որ կրակը դադարեցվի եւ վերականգնվեն քննարկումները։ Ռուսաստանը եղել է երեկ, կա այսօր եւ կլինի վաղը։ Այն շատ հզոր պետություն է»,- ասել է Ֆրանսիայի նախագահը։

Կիսվել նյութով