Ռուսաստանը Հայաստանից պարզաբանում է խնդրել Հռոմի ստատուտի վավերացման վերաբերյալ

Ռուսաստանը Հայաստանից պարզաբանում է խնդրել Հռոմի ստատուտի վավերացման վերաբերյալ

Ռուսաստանը Հռոմի ստատուտի վավերացմանն ուղղված Հայաստանի գործողությունները գնահատելիս կհիմնվի Երևանի բացատրությունների վրա։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Մենք արդեն հայկական կողմին պարզաբանում ենք խնդրել այս հարցում և կորոշենք մեր հետագա քայլերը՝ ելնելովհարցման բովանդակությունից», – ասել է Զախարովան՝ պատասխանելով հարցին, թե ինչպես է Ռուսաստանի Դաշնությունը գնահատում Հռոմի ստատուտը վավերացման համար խորհրդարան ուղարկելու Հայաստանի որոշումը։

Ավելի վաղ Հայաստանի կառավարությունը խորհրդարան էր ուղարկել Միջազգային քրեական դատարանի Հռոմի կանոնադրությունը վավերացնելու մասին որոշման նախագիծը։

ՌԴ ԱԳՆ-ի աղբյուրը ՌԻԱ Նովոստիին հայտնել է, որ Մոսկվան անընդունելի է համարում Հռոմի ստատուտին միանալու Երևանի ծրագրերը՝ Ռուսաստանի Դաշնության ղեկավարության դեմ դատարանի անօրինական «օրդերների» ֆոնին։

Հավելենք, որ միջազգային քրեական դատարանի Հռոմի ստատուտ․ միջազգային պայմանագիր, որով հիմնվել է Միջազգային քրեական դատարանը՝ ՄՔԴ։