ԱշխարհՏեսանյութ

Ջրհեղեղներ Թուրքիայի նահանգներում, որտեղ երկրաշարժ էր եղել (Տեսանյութ)

Ջրհեղեղներ Թուրքիայի նահանգներում, որտեղ երկրաշարժ էր եղել (Տեսանյութ)

Թուրքիայի հարավ-արևելքում ջրհեղեղի հետևանքով զոհերի թիվը հասել է 14-ի:

Այս մասին հայտնում են թուրքական ԶԼՄ-ները։

Ըստ աղբյուրի՝ ավելի վաղ Շանլըուրֆա նահանգի նահանգապետ Սալիհ Այհանը հայտնել էր չորս զոհի մասին: Ավելի ուշ բնակելի շենքի նկուղում հայտնաբերվել է հինգ մարդու դի, որոնք համարվում էին անհետ կորած։

Եվս մեկ մարդ է մահացել հարևան Ադիյաման նահանգում։ Երկու նահանգներն էլ տուժել են փետրվարյան ավերիչ երկրաշարժերից։

Հորդառատ տեղումների պատճառով ջրի տակ են անցել մարզի բազմաթիվ բնակավայրեր։ Տեղի բնակչությունը տարհանվել է անվտանգ տարածքներ։

Օդերևութաբանների կանխատեսումների համաձայն՝ մարզերում անձրևները կշարունակվեն երկու օր, ուստի չեն բացառվում նոր հեղեղումներ ու սելավներ։

Նշենք, որ փետրվարի 6-ի ստորգետնյա ցնցումների հետևանքով այդ տարածաշրջանում զոհվել է ավելի քան 48 հազար մարդ, միլիոնավոր մարդիկ անօթևան են դարձել։

Հազարավոր մարդիկ այժմ վրաններում ու տնակներում են ապրում, որոնք ևս տուժել են հեղեղների պատճառով։

Տեսանյութը ստորև

Կիսվել նյութով