Ջերմուկում հակառակորդն ունեցել է որոշակի հաջողություններ և 8.5 կիլոմետր մխրճվել Հայաստանի ինքնիշխան տարածք․ ԳՇ ՊԵՏ
Ջերմուկում հակառակորդն ունեցել է որոշակի հաջողություններ և 8.5 կիլոմետր մխրճվել Հայաստանի ինքնիշխան տարածք․ ԳՇ ՊԵՏ
Ջերմուկը այն ուղղությունն է, որտեղ հակառակորդը իր հարձակումների արդյունքում ունեցել է որոշակի հաջողություններ եւ մխրճվել Հայաստանի ինքնիշխան տարածք 8.5 կիլոմետր լայնության ճակատով, մինչեւ 7.5 կիլոմետր խորությամբ:
Այս մասին այսօր՝ սեպտեմբերի 16-ին, Ջերմուկում 30 երկրների դեսպանների, միջազգային կազմակերպությունների ներկայացուցիչների մասնակցությամբ կայացած հանդիպման ժամանակ նշել է ՀՀ Զինված ուժերի Գլխավոր շտաբի պետ Էդվարդ Ասրյանը:
«Այդ մխրճումները կատարվել են խմբերով, ջոկատներով, որոնցից որոշները գտնվում են մեր ստորաբաժանումների անմիջական հսկողության տակ, նաեւ նաեւ շրջափակումների մեջ։
Ներկա դրությամբ Ադրբեջանի ԶՈՒ ստորաբաժանման խմբերը գտնվում են Ջերմուկից 4.5 կիլոմետր հեռավորության վրա»,-նշեց նա՝ հավելելով, որ մինչեւ ռազմական գործողությունների սկսվելը՝ Ջերմուկից հակառակորդը եղել է 11-12 կիլոմետր հեռավորության վրա։
