Խոհանոց

Պասուց տոլմայի դասական տարբերակի պատրաստման բաղադրատոմսը

Պասուց տոլմայի դասական տարբերակի պատրաստման բաղադրատոմսը

Այն հայկական խոհանոցի ավանդական ճաշատեսակներից է: Պասուց տոլման շատ պրակտիկ կերակրատեսակ է, որը սառնարանում պահվում է բավականին երկար ժամանակ, ինչից էլ չի կորցնում համը, այլև ավելի համեղ է դառնում:

Պասուց տոլմա բաղադրատոմս

թթու կաղամբ

2 բաժակ կարմիր լոբի

2 բաժակ սիսեռ

2 բաժակ ոսպ

2 բաժակ ձավար

500 գրամ տոմատ

500 գրամ բուսական յուղ

500 գրամ սոխ

1 փունջ մաղադանոս

1 փունջ համեմ

աղ, պղպեղ

Պատրաստման եղանակը

4-ից 5 ժամ թրջել լոբին և սիսեռը: Առանձին կաթսաների մեջ եփել լոբին, ոսպը, սիսեռը, ապա խառնել իրար:

Սոխը մաքրել, մանր կտրատել և տապակել բուսական յուղի մեջ: Ավելացնել ձավարը, տապակել ևս 5 րոպե:

Ավելացնել լոբու զանգվածը, ապա 300 գրամ տոմատ:

Կանաչեղենը լվանալ և մանր կտրատել: Ավելացնել աղ, պղպեղ, լավ խառնել, հանել կրակից: Թողնել, որ սառչի:

Կաղամբի տերևները լվանալ սառը ջրով: Հիշեցնենք, որ պասուց տոլմայի համար անհրաժեշտ է թթու կաղամբ, բայց եթե չունեք, կարող եք պատրաստել սովորական կաղամբից` նախապես եռացնելով աղի ջրի մեջ մոտ 7-8 րոպե:

Տերևների վրա լցնել միջուկն ու փաթաթել: Դնել կաթսայի մեջ, տոմատի մնացուկը խառնել 3 բաժակ ջրով և լցնել կաթսայի մեջ:

Վերևից դնել ափսե և եփել մարմանդ կրակի վրա: Բարի ախորժակ:

Կիսվել նյութով