«Պանիխիդայի ժամանակ հանգուցյալին ոչ ոք առողջություն չի ցանկանում». Քոչարյանը՝ Փաշինյանի ելույթի մասին
«Պանիխիդայի ժամանակ հանգուցյալին ոչ ոք առողջություն չի ցանկանում». Քոչարյանը՝ Փաշինյանի ելույթի մասին
«Էրեբունի պլազա» բիզնես կենտրոնում ընթանում է ՀՀ երկրորդ նախագահ Ռոբերտ Քոչարյանի մամուլի ասուլիսը:
Վարչապետի ելույթը` ՄԱԿ-ում, խաղաղության դարաշրջանի հոգեհանգստի ելույթ էր: Այս մասին այսօր հրավիրված մամուլի ասուլիսի ժամանակ հայտարարեց ՀՀ երկրորդ նախագահ Ռոբերտ Քոչարյանը:
Նրա խոսքով` այս իրավիճակում պետք էր այլ բառապաշարով հանդես գալ:
«Պանիխիդայի ժամանակ հանգուցյալին ոչ ոք առողջություն չի ցանկանում»,-ասաց Քոչարյանը:
«Եթե այսպես շարունակվի՝ ապագա բանակցային գործընթացը լինելու է հետևյալ ֆորմատով՝ Բաքու, Ստեփանակերտ և ինչ-որ չափով՝ Մոսկվա: Թե ինչ հետևանքների կարող է բերել այս ֆորմատը, ես կառաջարկեմ մեր փորձագետներին և լրագրողներին գնահատեն»,- այսօր հրավիրած մամուլի ասուլիսի ժամանակ՝ խոսելով Արցախում ստեղծված իրավիճակից, կարծիք հայտնեց ՀՀ երկորրդ նախագահ Ռոբերտ Քոչարյանը:
«Տպավորությունն այնպիսին է, որ Ղարաբաղի իշխանությունը հարմարվել է ինչ-որ տեղ այս վիճակի հետ: Իհարկե, իրենց հայտարարություններում խոսում են ինքնորոշման, սուվերենության, Հանրապետության մասին, բայց այլ խոսակցություններում թեման մի քիչ ուրիշ է»,- ասաց Քոչարյանը:
