Մամուլ

Նիկոլ Փաշինյանը Երևանից Դսեղ ուղղաթիռով է մեկնել. խոսնակը հաստատում է

Նիկոլ Փաշինյանը Երևանից Դսեղ ուղղաթիռով է մեկնել. խոսնակը հաստատում է:

Վարչապետ Նիկոլ Փաշինյանը Հովհաննես Թումանյանի 150-ամյակի միջոցառմանը մասնակցելու համար Դսեղ մեկնել է ուղղաթիռով: Այս տեղեկությունը Factor.am-ի հետ զրույցում հաստատեց վարչապետի մամուլի խոսնակ Վլադիմիր Կարապետյանը:

Այն հարցին՝ ինչո՞ւ է վարչապետը Լոռու մարզ մեկնել ուղղաթիռով, խոսնակը պատասխանեց. «Տնտեսելու համար ժամանակը, ավելի արագ հասնելու»:

Դիտարկմանը՝ ուղղաթիռով ներհանրապետական նմանատիպ այցերը զգալի ծախս չե՞ն պետության համար, Վլադիմիր Կարապետյանը պատասխանեց. «Ի՞նչ առումով, վառելիքի առումո՞վ: Չգիտեմ, պետք է հաշվել:

Ես կարծում եմ, որ դժվար ճոխություն լինի, որովհետև ուղղաթիռում բավականին չափ մարդիկ են տեղավորվում և այդ առիթով կարող է նույնիսկ տնտեսում լինի: Վստահ չեմ, թե ինչքան մեքենա կգնար, պետք է ճշտել, ես կճշտեմ»:

Աղբյուր՝ Factor.am

Կիսվել նյութով