Հրաշագործ օշարակ` թանթրվենի սևի պտուղներից
Հրաշագործ օշարակ` թանթրվենի սևի պտուղներից
Բրիտանացի բժիշկները պարզել են, որ թանթրվենի սևի մզվածքով բուժումն արդյունավետ է եղել թռչնագրիպի (H5N1) դեմ։ 1995թ. Պանամայում գրիպի համաճարակը բուժել են թանթրվենի սևի հյութով։
Գերմանացի գիտնականները ևս մեկ անգամ վերահաստատել են, որ թանթրվենի սևը` անտոցիանների բարձր պարունակության շնորհիվ, ակտիվացնում է իմունային համակարգի գործունեությունը, ինչն արդիական է ՄԻԱՎ-ի դեպքում։
Թարմ ծաղիկներից անգլիացիները պատրաստում են իրենց ավանդական (Elderflower cordial) ըմպելիքը, որն, ի դեպ` նվազեցնում է խոլեստերինի մակարդակն արյան մեջ։
Ձեռքով հատիկ առ հատիկ հավաքված և արևի տակ վերջնական հասունացած պտուղներից Շվեյցարիայում պատրաստում են «Biota AG» ֆիրմայի մեծ պահանջարկ ունեցող թանթրվենու բրենդային հյութը։
Հրաշագործ օշարակ` թանթրվենի սևի պտուղներից
1975թ. «Մոսկվա» ամսագրում (թիվ 1) տպագրվեց բուլղարացի բժիշկ Պետր Դիմկովի հոդվածը, որտեղ առաջարկվում էր կիրառել օշարակը` որպես օժանդակ միջոց, որոշ բարորակ և չարորակ ուռուցքների բուժման ընթացքում. մաշկի, ստամոքսի, թոքերի, շագանակագեղձի, արգանդի, կրծքագեղձի։
Ձեռքով հատիկ առ հատիկ հավաքեք հատապտուղները (միմիայն էկոլոգիապես մաքուր վայրերից):
Ապակե տարայի մեջ շերտերով լցրեք հավասար քանակությամբ շաքարավազ և հատապտուղներ, թրմեք մութ տեղում` մինչև շաքարը լուծվի, քամեք, հյութը պահեք սառնարանում։ Ուտելուց 30 րոպե առաջ խմեք զտված ջուր, իսկ ուտելուց հետո` 1 թ/գ օշարակ (օրը 3 անգամ)։ Շարունակեք 45 օր, ընդմիջեք 20-30 օր, կրկնեք 2-4 անգամ։
Օշարակը հանգստացնում է նյարդերը, լավացնում է տեսողությունը, մաքրում է արյունը, ունի բարերար ազդեցություն սիրտ-անոթային և աղեստամոքսային համակարգերի, լյարդի, երիկամների, միզապարկի, հոդերի, շնչառական օրգանների, վահանագեղձի վրա։ Օշարակն ունի նիհարեցնող հատկություն։
Զգուշացում։ Հակացուցված է հղիներին։ Չափաբաժինը խախտելու դեպքում կառաջանա սրտխառնոց, փսխում, լուծ։