Հայտնի է, թե ով է ներկայացնելու Հայաստանը «Նոր ալիք 2026»-ում

Պարզ է դարձել, թե ով է այս տարի ներկայացնելու Հայաստանը «Նոր ալիք 2026» երգի միջազգային մրցույթում։

Հայաստանի ներկայացուցիչը կլինի երգչուհի Ֆլորա Բիչախչյանը, ով իր գործունեությունն իրականացնում է Ռուսաստանում։

Երգչուհին այս մասին հայտնել է իր սոցիալական էջերում՝ նորությունը կիսելով իր հետևորդների հետ։

Հիշեցնենք, որ «Նոր ալիք» միջազգային երգի մրցույթը նախատեսվում է անցկացնել այս տարվա օգոստոսին՝ Կազան քաղաքում։

Հայաստանի մասնակցությունը այս հեղինակավոր մրցույթին ամեն տարի մեծ հետաքրքրություն է առաջացնում, և այս տարի ևս սպասումները բարձր են։