«Հայաստանը գին կվճարի». Հուլուսի Աքարի սպառնալիքը` Բաքվից

Թուրքիայի խորհրդարանի պաշտպանական հանձնաժողովի նախագահ, պաշտպանության նախկին նախարար Հուլուսի Աքարի գլխավորած պատվիրակությունը մեկնել է Բաքու։ Թուրքական պատվիրակությանն ընդունել է Ադրբեջանի նախագահ  Իլհամ Ալիևը։ Այս մասին հաղորդում է Ermenihaber-ը։

Հանդիպմանը քննարկվել են Թուրքիայի և Ադրբեջանի հարաբերությունները ռազմական և պաշտպանական արդյունաբերության ոլորտում և տարածաշրջանում տեղի ունեցող վերջին զարգացումները։

Լրագրողների հետ զրույցում Աքարն անդրադարձել է նաև նաև Հայաստան-Ադրբեջան գործընթացին սպառնալիքներ հնչեցնելով Հայաստանի հասցեին։

Աքարը, նշելով, որ Հայաստանը պետք է պահ առաջ սեղմի Ադրբեջանի մեկնած «խաղաղության ձեռքը», ասել է․ «Որոշ երկրներ ինչ-որ կերպ Հայաստանին ցանկանում են պրոքսի-պետության զգեստ հագցնել։

Եթե Հայաստանն այս սխալ ճանապարհը մտնի, ինչպես 44-օրյա պատերազմում, շատ լուրջ վնաս կկրի, գին կվճարի։ Դա չպետք է թույլ տալ։ Մեզ համար առանցքայինը խաղաղությունն է, հանգստությունը և Կովկասի ապագան»։