Խոշոր ավտովթար. բախվել են Վանաձոր-Գյումրի երթուղու մարդատար գազելը ու վերամբարձ կռունկը․ կան վիրավորներ
Խոշոր ավտովթար. բախվել են Վանաձոր-Գյումրի երթուղու մարդատար գազելը ու վերամբարձ կռունկը․ կան վիրավորներ
Shamshyan.com-ը գրում է․ Այսօր՝ ապրիլի 6-ին, խոշոր ավտովթար է տեղի ունեցել Լոռու մարզում։
Ժամը 17:20-ի սահմաններում Վանաձոր քաղաքի Շիրակի փողոցում վերամբարձ կռունկը, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել մարդատար գազելին, ապա երկաթե սյանն ու կողաշրջվել։
Վթարի հետևանքով Լոռու մարզի բնակիչներ 32-ամյա Լիլիթ Աբրահամյանն ու 48-ամյա Նարինե Հարությունյանը, որոնց առաջինը օգնության են հասել քաղաքացիներն ու ՀՀ Ներքին գործերի նախարարության փրկարար ծառայության Վանաձորի հրշեջ-փրկարաները։
Վանաձորի բժշկական կենտրոնի բժիշկների կողմից նախ տեղում առաջին բուժօնությունն են ստացել, ապա շտապօգնության ավտոմեքենայով տեղափոխվել են «Վանաձոր» բժշկական կենտրոն։
Պարեկները սահմանազատել են տարածքը, որպեսզի հրշեջ-փրկարարները աշխատեն։
Վթարի մասին պարեկային ծառայության Լոռու մարզի գումարտակից տեղեկությունը փոխանցել են Հայաստանի քննչական կոմիտեի Լոռու մարզային քննչական վարչություն, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ։
Վթարի փաստով քննչական վարչությունում նախաձեռնվել է վարույթ։
Ոստիկանությունն ու քննչական վարչությունը պարզում են վարորդների ինքնությունը։
Գ․ Շամշյանի տեղեկություններով՝ գազելը սպասարկում է Վանաձոր-Գյումրի թիվ 430 երթուղին։
