Լոս Անջելեսի օդանավակայանում ինքնաթիռը բախվել է ավտոբուսին
Լոս Անջելեսի օդանավակայանում ինքնաթիռը բախվել է ավտոբուսին
Ուրբաթ ուշ երեկոյան Լոս Անջելեսի միջազգային օդանավակայանում ինքնաթիռը, որը քարշակել են երթեւեկելի ճանապարհով, բախվել է ավտոբուսին, ինչի հետեւանքով հինգ մարդ է տուժել։
Նշվում է, որ օդանավակայանի աշխատանքում ընդհատումներ չեն եղել։
Լոս Անջելեսի օդանավակայանը Twitter-ում հայտնել է, որ ինքնաթիռը քարշակել են դարպասից դեպի կայանատեղի, երբ այն բախվել է երթուղային ավտոբուսին։
Լոս Անջելեսի հրշեջ ծառայությունը հայտնել է, որ չորս մարդ հոսպիտալացվել է «ցածր արագությամբ բախման» հետեւանքով։ Եվս մեկ անձ դեպքի վայրում բուժօգնություն է ստացել։
Հրշեջ ծառայության տվյալներով՝ բախման պահին ինքնաթիռում եղել է ընդամենը մեկ մարդ՝ բանվորը։
Դեպքի վայրում մնացել է ռեակտիվ ինքնաթիռի անվադողի հետքը, իսկ ավտոբուսի դիմապակին զգալի վնասվել է, հայտնում է ABC7.com-ը։
Տեսանյութը ստորև