Ազատ խոսք

«Իսկական հայ տղամարդու համար չի կարող միևնույն լինել, թե ինչ է կատարվում իր տանը»․ Գևորգ Գրիգորյանի կոչը (Տեսանյութ)

Իսկական հայ տղամարդու համար չի կարող միևնույն լինել, թե ինչ է կատարվում իր տանը․․․ Նոյեմբերի 20-ին՝ ժամը 14։30-ին, Երևանում մեծ մոտոերթ կանցկացվի։ Այս մասին ֆեյսբուքյան ուղիղ եթերով հայտարարել է Dark Ravens մոտոակումբի նախագահ, դերասան Գևորգ Գրիգորյանը։

«Տղա եղեք» խորագրով երթը մեկնարկելու է Սախարովի հրապարակից։ Երթին կարող են միանալ բոլորը, այդ թվում և ավտոմեքենաներով։ Ըստ դերասանի՝ ակցիայի նպատակն է քարոզել իսկական հայ տղամարդու տեսակը։

«Իսկական հայ տղամարդու համար չի կարող միևնույն լինել, թե ինչ է կատարվում իր տանը։ Մեր քաղաքում, մեր տանը տարատեսակ պիղծ երևույթների ակտիվ քարոզ է գնում, ու դրան կարող ենք հակադրել միայն մեկ բան՝ մեր տեսակը, մեր տեսակը մեզանից բացի ուրիշ ոչ մեկ չի պաշտպանելու։

Դրա համար ինքնասիրություն ունեցող ցանկացած հայ տղամարդու, կնոջ, աղջկա կոչ եմ անում միանալ այս շաչժմանը»,- ասել է նա։

Կիսվել նյութով