Օգտակար

Ինչպե՞ս դիմագծերին համապատասխան ականջօղեր ընտրել

Ինչպե՞ս դիմագծերին համապատասխան ականջօղեր ընտրել

Շատ կարևոր է արտաքինին համապատասխան զարդեր և հագուստ կրելը: Ճիշտ ընտրված զարդերը ոչ միայն լրացնում են ձեր տեսքը, այլև թաքցնում են դեմքի դիմագծերի թերությունները:

Եկեք պարզենք, թե ինչպես կարելի է դիմագծերին համապատասխան զարդեր ընտրել.

Օվալաձև դեմք

Նման ձև ունեցող դեմքը լայն է այտերի շրջանում և նեղանում է՝ կզակի և ճակատի հատվածում: Այս տիպի դիմագծեր ունեցողներին համապատասխանում են գրեթե բոլոր տիպի ականջօղերը: Դուք կարող եք կրել ինչպես փոքր, այնպես էլ երկար և շրջանաձև օղեր:

Կլոր դեմք

Այս դեմքի ձևին բնորոշ է այտոսկրերի հատվածի լայնությունը, կլոր կզակը և այտերը: Այսպիսի դիմագծեր ունեցող աղջիկներին խորհուրդ է տրվում կրել երկրաչափական ձև ունեցող օղեր` եռանկյունաձև, քառակուսի և ձվաձև: Պետք է հրաժարվեք, փոքրիկ և շրջանաձև օղերից:

Եռանկյունաձև դեմք

Այս տիպի դիմագծերին բնորոշ է ճակատի լայնությունը և նեղ կզակը: Նմանատիպ դիմագծեր ունեցող աղջիկներին խորհուրդ է տրվում կրել օվալաձև և շրջանաձև օղեր:

Երկարավուն դեմք

Այս տեսակ դեմքը ունի ճակատի և կզակի նույնաչափ երկարություն: Խուսափեք երկար օղերից, որովհետև վերջիններս կընդգծեն ձեր դեմքի երկարությունը: Նախընտրությունը տվեք եռանկյունաձև, շրջանաձև և քառակուսի ձև ունեցող օղերին:

Քառակուսի դեմք

Այս դիմագծերով աղջիկների ճակատը, այտերը, կզակը ունեն հավասար լայնություն: Նման դեպքում ձեզ կսազեն եռանկյունաձև և շրջանաձև օղեր: Երկարավուն օղեր ևս կարող եք կրել:

Կիսվել նյութով