«Ինձ և մյուս փորձառու գեներալներին արգելել են մտնել հրամանատարական կետ»․ Սեյրան Օհանյանը մանրամասներ է ներկայացրել (Տեսանյութ)
«Ինձ և մյուս փորձառու գեներալներին արգելել են մտնել հրամանատարական կետ»․ Սեյրան Օհանյանը մանրամասներ է ներկայացրել (Տեսանյութ)
«Արմնյուզ» հեռուստաընկերության եթերում ՀՀ պաշտպանության նախկին նախարար, գեներալ-գնդապետ, Արցախի հերոս Սեյրան Օհանյանը որոշ մանրամասներ է ներկայացրել պատերազմից և իր գործունեությունից:
«Ես և գեներալ Խաչատուրովը պատերազմի առաջին օրը գնացել ենք ՊՆ, երկու օր շարունակ մեզ չընդունեցին։ Ես որոշեցի ինքնակամ մեկնել Արցախ՝ աջակցելու ՊԲ-ին, ներկայացա Արայիկ Հարությունյանին, ապա մեկնեցի հրամանատարական կետ։
Սեպտեմբերի 30-ին ես արդեն պնդում էի, որ ՀՀ և Արցախի իշխանությունները պետք է ամեն ինչ անեն՝ վերականգնեն բանակցային գործընթացը։
Վարչապետը որոշել էր, որ փորձառու գեներալներն իրավունք չունեն հրամանատարական կետ այցելելու, Արայիկ Հարությունյանն ինձ անձամբ արգելեց գնալ այնտեղ»,- ասել է Օհանյանը:
Պաշտպանության նախկին նախարարի խոսքով՝ իրեն արգելվել է մասնակցել ռազմական գործողությունների ծրագրմանը, փոխարենն առաջարկել են զորահավաքային, աշխարհազորային ռեսուրսի հարցերը հոգալ. «Ես իմ նախաձեռնությամբ աջակցություն եմ ցուցաբերել Շուշիի աշխարհազորի ձևավորմանը»,- նշել է նա:
Մանրամասները՝ տեսանյութում
