Ժամկետային զինծառայող Հենրիկ Արամյանի մահվան դեպքի առթիվ կալանավորվել է կրտսեր սերժանտը
Ժամկետային զինծառայող Հենրիկ Արամյանի մահվան դեպքի առթիվ կալանավորվել է կրտսեր սերժանտը
ՀՀ քննչական կոմիտեյից հայտնում են, որ ժամկետային զինծառայող Հենրիկ Արամյանի մահվան դեպքի առթիվ քննվող քրեական գործով կալանավորվել է կրտսեր սերժանտը։
Ժամկետային զինծառայող, շարքային Հենրիկ Արամյանի մահվան դեպքի առթիվ առաջին կայազորային քննչական բաժնում քննվող քրեական գործով ձեռք բերված բավարար ապացույցների համակցությամբ՝ պարտադիր ժամկետային զինծառայող, կրտսեր սերժանտ Հ.Դ.-ին մեղադրանք է առաջադրվել` ՀՀ քրեական օրենսգրքի 104-րդ հոդվածի 2-րդ մասի 10-րդ կետով՝ խուլիգանական դրդումներով ապօրինաբար մեկ ուրիշին կյանքից զրկելու, սպանելու համար:
Կրտսեր սերժանտի նկատմամբ որպես խափանման միջոց է ընտրվել կալանավորումը:
Քրեական գործով նախաքննությունը շարունակվում է:
