Երևանում փրկվել է 12 քաղաքացու կյանք․ 77 համարի «Գազելի» վարորդը գտնվում էր խմածության ամենաբարձր աստիճանում
Երևանում փրկվել է 12 քաղաքացու կյանք․ 77 համարի «Գազելի» վարորդը գտնվում էր խմածության ամենաբարձր աստիճանում
Shamshyan.com-ը գրում է․ Այսօր՝ փետրվարի 10-ին, ՀՀ ներքին գործերի նախարարության Ոստիկանության Պարեկային Ծառայության Երևանի գնդի 1-ին գումարտակի 1-ին վաշտի պարեկները՝ գնդի ծառայության ավագ տեսուչ Հարություն Գրիգորյանի գլխավորությամբ, մայրաքաղաքում ծառայության ընթացքում նկատել են՝ թիվ 77 երթուղին սպասարկող «Գազելի» վարորդը ավտոմեքենան վարում է անկանոն։
Տեղում նույն վաշտի պարեկներ Վազգեն Զաքարյանն ու Արշալույս Ղուկասյանը Աբովյան փողոցում կանգնեցնում են «Գազելը» ու վարորդին ենթարկում սթափության փորձաքննության։
Ինչպես հայտնում է ֆոտոլրագրող Գագիկ Շամշյանը, պարզվում է, որ վարորդը՝ Երևանի բնակիչ 69-ամյա Միխայիլ Ղուլյանը, եղել է խմած՝ խմածության ամենաբարձր աստիճան։ Ու այդ վիճակում «էս մեր խելոքը» տեղափոխում էր 12 ուղևորի։ Շնորհիվ պարեկների գրագետ աշխատանքի, կարելի է վստահ ասել՝ պարեկներն այսօր փրկեցին 12 քաղաքացու կյանք։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
