Երեկ քաղաքացուն հարվածած ոստիկանի լիազորությունները դադարեցվել են
Երեկ քաղաքացուն հարվածած ոստիկանի լիազորությունները դադարեցվել են
Օպերայի հարակից տարածքի սրճարանների ապամոնտաժման ժամանակ երեկ` մարտի 14-ին, քաղաքացիներից մեկին հարվածած ոստիկանի լիազորությունները դադարեցվել են։ Այս մասին պարզաբանում է տարածել ՀՀ ոստիկանությունը։
Ոստիկանությունից տեղեկացնում են, որ երեկ մի տեսանյութ է շրջանառվել, որտեղ երևում է` ինչպես է ոստիկանության ծառայողը ոտքով ու ձեռքով հարվածում քաղաքացուն։
Ոստիկանության պետ Վալերիյ Օսիպյանի կարգադրությամբ` ոստիկանության ներքին անվտանգության վարչությունում դեպքի վերաբերյալ սկսվել է ծառայողական քննություն։ Արդյունքների մասին կտեղեկացվի քննության ավարտից հետո:
Այսօր ապամոնտաժման աշխատանքները վերսկսվել են, բայց իրավիճակը համեմատաբար խաղաղ է։
