Դոնալդ Թրամփն ուղերձ է հղել Հայոց ցեղասպանության 105-րդ տարելիցի կապակցությամբ
Դոնալդ Թրամփն ուղերձ է հղել Հայոց ցեղասպանության 105-րդ տարելիցի կապակցությամբ
ԱՄՆ նախագահ Դոնալդ Թրամփն ուղերձ է հղել Հայոց ցեղասպանության 105-րդ տարելիցի կապակցությամբ:
«Այսօր մենք միանում ենք համաշխարհային համայնքին` ոգեկոչելու 20-րդ դարի վատթարագույն զանգվածային վայրագություններից մեկի՝ Մեծ Եղեռնի զոհերի հիշատակը:
Օսմանյան կայսրության գոյության վերջին տարիներին՝ 1915 թվականից սկսած, մեկևկես միլիոն հայեր տեղահանվել, կոտորվել կամ քայլել են դեպի իրենց մահը:
Այս հիշատակի օրը մենք հարգանքի տուրք են մատուցում բոլոր նրանց, ովքեր տառապել կամ իրենց կյանքն են կորցրել, և միաժամանակ մենք վերահաստատում ենք առավել մարդկային և խաղաղ աշխարհ կայացնելու մեր պարտավորությունը:
Ամեն տարի ապրիլի 24-ին մենք մտորում ենք ամերիկացի և հայ ժողովուրդների հզոր և հարատև կապերի մասին:
Մենք հպարտանում ենք հայերի և սիրիացիների օգնության ամերիկյան հանձնախմբի հիմնադիրներով, 1915 թվականի նախաձեռնություն, որը վճռական մարդասիրական օգնություն է ապահովել հայ փախստականներին, և մեր երախտագիտությունն ենք հայտնում հազարավոր ամերիկացիներին, ովքեր օգնել են իրենց տներից վտարված հայերին:
Այսօր մենք այդ ողբերգությունը վերապրած հայ ժողովրդի հզորության և տոկունության ականատեսն ենք: Մենք բախտավոր ենք, քանի որ այդքան հայեր իրենց հարուստ մշակույթն են հասցրել մեր ափեր և իրենց ներդրումն ունեն մեր երկրում:
Նրանց թվում են մեծ պատիվների արժանացած զինվորներ, անվանի արվեստագետներ, գործարարներ, ճարտարապետներ:
Մենք ողջունում ենք ցավալի անցյալը հաշվի առնելու և դրա հետ առնչվելու հայերի և թուրքերի ջանքերը:
Այսօր մենք հավատում ենք, որ մեր պարտավորությունն է հիշել նրանց, ովքեր տառապել և նահատակվել են և վերահաստատել ազգային և կրոնական խոցելի փոքրամասնություններին ամբողջ աշխարհում պաշտպանելու մեր նվիրվածությունը», – ասված է ուղերձում:
