Դատավոր Կարեն Չիլինգարյանը նվեր է ստացել 33 հազար դոլար. «Ժողովուրդ»
«Ժողովուրդ» թերթը գրում է. «ՀՀ Վերաքննիչ դատարանի քաղաքացիական դատարանի դատավոր Կարեն Չիլինգարյանը իր գործընկերներից հետ չի մնում և ինքն էլ 1 տարվա ընթացքում տասնյակ հազարավոր դոլարների նվերներ է ստանում:
Չիլինգարյանի պաշտոնական հայտարարագրի համաձայն՝ 2014թ. նրա դրամական միջոցները կազմել են 20 հազար դոլար: Կարեն Չիլինգարյանն իր հայտարարագրում նշել է, որ անցած տարի որպես նվիրատվություն ստացել է 33 հազար դոլար: Նրա ամսական աշխատավարձը կազմում է 764 հազար դրամ:
Դատավորի կինը՝ Կարինե Բոյաջյանը, պարզվում է՝ ավելի հարուստ է: Նրա դրամական միջոցները 2014թ. կազմել են 500 հազար դրամ, 8 հազար 500 դոլար և 33 հազար եվրո»:
Ավելի մանրամասը՝ թերթի այսօրվա համարում:
