Գևորգ Կոստանյանի նկատմամբ հայտարարվել է հետախուզում
Հայաստանի նախկին գլխավոր դատախազ Գևորգ Կոստանյանի նկատմամբ հայտարարվել է հետախուզում, միջնորդություն է ներկայացվել դատարան՝ նրա նկատմամբ կալանավորումը որպես խափանման միջոց ընտրելու համար: Այս մասին հայտնեցին Հատուկ քննչական ծառայությունից (ՀՔԾ):
Երկուշաբթի օրը հաղորդվեց, որ 2008-ի արյունալի իրադարձությունները քննող ՀՔԾ-ն որոշել է մեղադրյալ ներգրավել Գևորգ Կոստանյանին և նրան առաջարկել է 48 ժամվա ընթացքում ներկայանալ վարույթն իրականացնող մարմին՝ մեղադրանք առաջադրելու համար:
Հիշեցնենք՝ Կոստանյանն արդեն երկու ամիս է Մոսկվայում է՝ դասավանդում է Ռուսաստանի գլխավոր դատախազության համալսարանում:
