Աշխարհ

Գոմելում ընթանում են ռուս-ուկրաինական բանակցությունները (Տեսանյութ)

Գոմելում ընթանում են ռուս-ուկրաինական բանակցությունները (Տեսանյութ)

Ռուսաստանը եւ Ուկրաինան իրենց առաջին բանակցություններն են անցկացնում Բելառուսի Գոմելի մարզում։

Ռուսական կողմը Բելառուս է ժամանել փետրվարի 27-ին։ Ուկրաինական պատվիրակությունը բանակցությունների վայր է ժամանել ռազմական ուղղաթիռներով բանակցությունների մեկնարկից երկու ժամ առաջ, հայտնում է БЕЛТА-ն։

Պատվիրակությունների հանդիպումը տեղի է ունենում Ուկրաինայի սահմանի մոտ՝ Պրիպյատ գետի ափին։ Անվտանգության նկատառումներից ելնելով հանդիպման ճշգրիտ վայրը չի նշվում։

banakcutyunner

Ռուսական պատվիրակությունը գլխավորում է նախագահի օգնական Վլադիմիր Մեդինսկին։ Դրանում ընդգրկված են նաեւ պաշտպանության եւ արտաքին գործերի փոխնախարարներ Անդրեյ Ռուդենկոն եւ Ալեքսանդր Ֆոմինը, Պետդումայի միջազգային հարաբերությունների հանձնաժողովի ղեկավար Լեոնիդ Սլուցկին։

Ուկրաինական կողմը ներկայացնում են պաշտպանության նախարար Ալեքսեյ Ռեզնիկովը, նախագահի գրասենյակի ղեկավարի խորհրդական Միխայիլ Պոդոլյակը, իշխող «Ժողովրդի ծառա» կուսակցության խմբակցության ղեկավար Դավիդ Արախամիան, Դոնբասում կարգավորման կոնտակտային խմբի ուկրաինական պատվիրակության ղեկավարի առաջին տեղակալը Անդրեյ Կոստինը, պատգամավոր Ռուստեմ Ումերովը եւ փոխարտգործնախարար Նիկոլա Տոչիցկին։

Տեսանյութը ստորև

Կիսվել նյութով