Գագիկ Սուրենյանը ներկայացրել է ամանորյա տոների շրջանում սպասվող եղանակը
Գագիկ Սուրենյանը ներկայացրել է ամանորյա տոների շրջանում սպասվող եղանակը
Հայաստանն արդեն երկար ժամանակ գտնվում է հզոր անտիցիկլոնի ազդեցության տակ, որը կպահպանվի մինչեւ հունվարի 5-ը ներառյալ։ Բոլոր մարզերում կդիտվի անամպ երկինք, տեղումների չեն սպասվում։
Այս մասին դեկտեմբերի 29-ին լրագրողների հետ հանդիպմանն ասաց Շրջակա միջավայրի նախարարության Հիդրոօդերեւութաբանության եւ մոնիտթորինգի կենտրոնի փոխտնօրեն Գագիկ Սուրենյանը։
«Առաջիկա հինգ օրերին հանրապետության ողջ տարածքում օդի ջերմաստիճանը, բացառությամբ Արարատյան դաշտի եւ Երեւանի, կբարձրանա 5-6 աստիճանով։ Արարատյան դաշտում եւ Երեւանում գիշերը կլինի -3-ից -6, ցերեկը՝ մինչեւ +6։ Առանձին շրջաններում սպասվում է մառախուղ»,- հավելեց փորձագետը։
Նա հայտնեց, որ հունվարին օդի ջերմաստիճանը կանխատեսվում է կլիմայական նորմայից 2-3 աստիճանով բարձր, իսկ տեղումների քանակը նորմայից ցածր։
