Մամուլ

Արմինե Ադիբեկյանին մեղադրանք առաջադրվեց Փաշինյանին վիրավորանք հասցնելու համար

Արմինե Ադիբեկյանին մեղադրանք առաջադրվեց Փաշինյանին վիրավորանք հասցնելու համար

Ադրբեջանագետ Արմինե Ադիբեկյանի շահերի պաշտպան Ռուբեն Մելիքյանը ֆեյսբուքյան իր էջում գրել է.

«Այսօր Արմինե Ադիբեկյանին մեղադրանք առաջադրվեց նիկոլ Վովայի փաշինյանին «ծանր վիրավորանք» հասցնելու համար (հոդված 137.1, 2-րդ մաս), որը նա կատարել է 2021թ. հոկտեմբերի 7-ին՝ նշված անձի գրքից վերցված 1 (մեկ) բառ պարունակող մեկնաբանությամբ քպ ողջ վերնախավը պատկերող լուսանկար հրապարակելով իր ՖԲ էջում։

armine adibekyan

Հետաքրքիրն այն է, որ որպես վիրավորանքի հասցեատեր՝ նշված է միայն մեկ անձ՝ ն. Վ. փաշինյանը։ Է՛լ ավելի հետաքրքիր է այն, որ նշված անձը տուժող ճանաչված չէ։ Եթե քննիչը հանգել է հետևության, որ իմ վստահորդ Ադիբեկյանը այդ անձին բարոյական վնաս է հասցրել, ապա ինչո՞ւ նրան տուժող չի ճանաչել։

Իսկ եթե հանգել է հետևության, որ վստահորդս բարոյական վնաս չի հասցրել, ապա ինչո՞ւ է Ադիբեկյանին մեղադրանք առաջադրել։

Համաձայնեք, որ հետաքրքիր պարադոքս է։ Ամեն դեպքում, այս պարադոքսն իրավական ճանապարհով հանգուցալուծելու համար այսօր միջնորդել ենք ն. Վ. փաշինյանին ճանաչել տուժող։ Տեսնենք, թե հարգելի քննիչը կբավարարի՞ մեր միջնորդությունը, թե՞ կմերժի։ Եվ եթե մերժի, ապա ինչպե՞ս կհիմնավորի իր որոշումը»։

Կիսվել նյութով