Արմեն Աշոտյանը քվեարկեց «Նուբարաշեն» ՔԿՀ-ում
Քիչ առաջ «Նուբարաշեն» քրեակատարողական հիմնարկում իր ընտրական իրավունքն իրականացրեց ՀՀ կրթության և գիտության նախկին նախարար Արմեն Աշոտյանը։
«Հետքի» հաղորդմամբ՝ ՔԿՀ աշխատակիցները թույլ չեն տվել լրագրողներին հարցեր ուղղել Աշոտյանին։
Հիշեցնենք, որ Արմեն Աշոտյանը գտնվում է կալանքի տակ։
Արմեն Աշոտյանի նկատմամբ քրեական հետապնդում է հարուցվել պաշտոնեական լիազորությունները չարաշահելու և այդ արարքին օժանդակելու մեղադրանքներով։
Նա նաև մեղադրվում է խմբի կողմից առանձնապես խոշոր չափերով փողերի լվացման և դրան օժանդակելու համար։
