Արթուր Վանեցյանը ներկայացավ ԱԱԾ
Արթուր Վանեցյանը ներկայացավ ԱԱԾ
«Հայրենիք» կուսակցության ղեկավար Արթուր Վանեցյանը քիչ առաջ ներկայացավ ՀՀ ազգային անվտանգության ծառայություն։
«Քրեական գործի շրջանակներում հրավիրվել եմ հարցաքննության»,- լրագրողներին ասաց Վանեցյանը։
Հարցին՝ արդյոք ինքը տեղյա՞կ է, թե ինչ քրեական գործի մասին է խոսքը, Վանեցյանն ասաց, որ տեղյակ չի։
Նշենք նաև, որ բերման է ենթարկվել նաև ԲՀԿ նախագահ Գագիկ Ծառուկյանը։
Ոստիկանները բերման են ենթարկել նաև «Հայրենիք» կուսակցությունից Արսեն Բաբայանին, իրանագետ Վարդան Ոսկանյանին, «Ազգային անվտանգություն» կուսակցության նախագահ Գառնիկ Իսագուլյանին, ՀՀԿ-ից Գեղամ Պետրոսյանին, Հայկ Մամիջանյանին, ՀՀԿ-ական նախկին պատգամավորներ Վահրամ Բաղդասարյանին, Կարինե Աճեմյանին, «Իրավական ուղի» ՀԿ համահիմնադիր Ռուբեն Մելիքյանին:
