Առեղծվածային դեպք Արմավիրի մարզում. Արշալույս գյուղի ջրատարում հայտնաբերվել է կնոջ կիսամոխրացած դի
Առեղծվածային դեպք Արմավիրի մարզում. Արշալույս գյուղի ջրատարում հայտնաբերվել է կնոջ կիսամոխրացած դի
Shamshyan.com-ը գրում է․ Այսօր՝ մարտի 24-ին, առեղծվածային ու ողբերգական դեպք է տեղի ունեցել Արմավիրի մարզում:
Ժամը 18:00-ի սահմաններում ՀՀ ներքին գործերի նախարարության Ոստիկանության Արմավիրի մարզային վարչությունում օպերատիվ տեղեկություններ են ստացել, որ Խոյ համայնքի Արշալույս բնակավայրի վարչական տարածքում գտնվող ջրատարի մեջ այրված դի կա:
Ոստիկանները ու քննիչները նշված ջրատարի մեջ հայտնաբերել են ամբողջությամբ այրված, կիսամոխրացած, ինքնությունը չպարզված կնոջ դի:
Աղբյուրի տեղեկություններով՝ կնոջ ձախ դաստակը անդամահատված է եղել:
Դեպքի փաստով Վաղարշապատի քննչական բաժնում սպանություն հատկանիշներով նախաձեռնվել է քրեական վարույթ:
Դին ջրատարից դուրս բերելու համար ժամանել են նաև ՀՀ ՆԳՆ Փրկարար ծառայության Վաղարշապատի թիվ 29 հրշեջ փրկարարական ջոկատից 1 մարտական հաշվարկ:
Ոստիկանությունն ու քննչական բաժինը ձեռնարկում են անհրաժեշտ օպերատիվ հետախուզական և քննչական համատեղ գործողություններ հանցանքը կատարած անձի կամ անձանց ինքնությունը պարզելու, նրանց հայտնաբերելու ուղղությամբ:
Ձեռնարկվում են նաև օպերատիվ հետախուզական միջոցառումներ մահացածի ինքնությունը պարզելու ուղղությամբ:
