Արտակարգ դեպք Շիրակի մարզում․ 23-ամյա վարորդը BMW-ով մխրճվել է գառների հոտի մեջ․ 20 գառ սատկել է
Արտակարգ դեպք Շիրակի մարզում․ 23-ամյա վարորդը BMW-ով մխրճվել է գառների հոտի մեջ․ 20 գառ սատկել է
Shamshyan.com-ը գրում է․ Այսօր՝ ապրիլի 21-ին, արտակարգ դեպք է տեղի ունեցել Շիրակի մարզում։
Ժամը 14։30-ի սահմաններում Շիրակի մարզի բնակիչ 23-ամյա Սերոբ Խ․-ն իր վարած BMW 325 մակնիշի ավտոմեքենայով Երևան-Գյումրի-Բավրա ավտոճանապարհի 93 կմ հատվածում մխրճվել է գառների հոտի մեջ։
Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների, բարեբախտաբար, տուժածներ չկան, սակայն մոտ 20 գառ տեղում սատկել է։
![bmw garner](https://bavnews.am/wp-content/uploads/2023/04/bmw-garner.jpg)
Տեղում ուժեղացված ծառայություն են կատարել նույն վաշտի պարեկներ Արման Այվազյանը, Գրիգոր Ղազարյանը, Գարիկ Քոչարյանն ու Իշխան Ղարիբյանը, քանի որ ճանապարհը դարձել էր դժվարանցանելի, և պարեկների օպերատիվ գործողությունների արդյունքում հնարավոր եղավ խուսափել վթարներից։
![garner vraert](https://bavnews.am/wp-content/uploads/2023/04/garner-vraert.jpg)
Վարորդը տեղում ենթարկվել է սթափության փորձաքննության, նա եղել է սթափ։Դեպքի փաստով ՊԾ Շիրակի մարզի գումարտակում նյութեր են նախապատրաստվում, որտեղ էլ պարզում են սատկած գառների ու ոչխարների տիրոջ ինքնությունը։
Դեպքի վայրում հավաքված քաղաքացիներն ասում էին, որ գառները պատկանում է Շիրակի մարզի գյուղերից մեկում հայտնի գառնարած Զվարթ Գաբրիելիչին։Ոստիկանությունը պարզում է այդ տեղեկության իսկությունը։