Ուհանում փորձագետները պարզել են, որ կորոնավիրուս ունեցող ասիմպտոմատիկ հիվանդները վարակիչ չեն

Ուհանում փորձագետները պարզել են, որ կորոնավիրուս ունեցող ասիմպտոմատիկ հիվանդները վարակիչ չեն

Այս մասին հաղորդում է РИА Новости-ին հղում անելով Ուհանի առողջապահության հարցերով քաղաքային հանձնաժողովի հաղորդագրության հայտարարությանը:

Չինաստանի Ուհան քաղաքում անցկացված հետազոտության արդյունքում, կորոնավիրուսի 300 ասիմպտոմատիկ վարակակիրներ են հայտնաբերվել, որոնք վարակիչ չեն: 

Ուհանի իշխանությունները մայիսի 14-ից մինչև հունիսի 1-ն ընկած ժամանակահատվածում բնակչության զանգվածային հետազոտության շրջանակում 9.89 մլն մարդու են թեստավորել և կորոնավիրուսի 300 ասիմպտոմատիկ վարակակիրների են հայտնաբերել:

Վերցված փորձանմուշները փոխանցվել են Ուհանի վիրուսաբանության ինստիտուտին, որպեսզի մասնագետները մեկուսացնեն վիրուսը, սակայն նրանց չի հաջողվել «կենդանի վիրուս» առանձնացնել:

Փորձագետները կարծում են, որ վիրուսն առանձնացնելու անհնարինությունը վկայում է այն մասին, որ դրա պարունակությունը փորձանմուշներում ցածր է կամ «կենդանի» ախտածին վիրուս չկա:  

Բացի այդ, ասիմպտոմատիկ հիվանդների հետ շփում ունեցած 1174 մարդ ևս հետազոտություն է անցել, սակայն նրանց թեստի արդյունքները բացասական են եղել:

Սա նշանակում է, որ ներկայումս հայտնաբերված ասիմպտոմատիկ հիվանդները վարակիչ չեն։