5 նշան, որոնք վկայում են, որ Դուք արդեն կրել եք COVID-19 վարակ
5 նշան, որոնք վկայում են, որ Դուք արդեն կրել եք COVID-19 վարակ
Armeniamedicalcenter.am-ը գրում է․ Օքսֆորդի գիտնականները ենթադրում են, որ կորոնավիրուսը կարող էր մարդկանց մեջ փոխանցվել առաջին պաշտոնական գրանցված դեպքերից ավելի քան մեկ ամիս առաջ: Որոշ ախտանիշներ կարող են վկայել, որ մարդն արդեն կրել է COVID-19 վարակ:
Ինչպես հաղորդում է MedikForum.ru-ն, կորոնավիրուսի տիպիկ ախտանիշներն են` բարձր ջերմությունը (տաքություն եք զգում կրծքին կամ մեջքին դիպչելիս), հազը, որը կարող է լինել մեկ ժամվա ընթացքում և օրվա մեջ երեք և ավելի անգամ: Սակայն Օքսֆորդի (Մեծ Բրիտանիա) համալսարանի գիտնականների ուսումնասիրությունը ցույց տվեց, որ, բացի այս ախտանիշներից, կորոնավիրուսի մասին կարող են վկայել նաև այլ նշաններ:
«Վարակիչ հիվանդությունների էվոլյուցիոն էկոլոգիա» օքսֆորդյան խումբն առաջադրեց այն վարկածը, որ մինչև COVID-19 վարակի մասին պաշտոնապես հայտարարվելը նոր կորոնավիրուսն արդեն որոշ ժամանակ տարածված է եղել մարդկանց մեջ: Այսպիսով՝ հետազոտողները համարում են, որ բրիտանական բնակչության մոտավորապես կեսը կարող է վարակված լինել վիրուսով, որոնց մեծ մասն այդ մասին նույնիսկ չի էլ կասկածում:
Գոյություն ունի հինգ նշան, որոնք կարող են վկայել այն մասին, որ Դուք արդեն վարակված եք եղել COVID-19-ով, ասում են մասնագետները:
Հոտառության կորուստ: Հարվարդի բժշկական դպրոցի աշխատակիցները հայտնաբերել են, որ քթի որոշ բջիջներ պարունակում են սպիտակուցներ, որոնք թիրախ են կորոնավիրուսի համար. ամրանալով դրանց վրա՝ վիրուսը թափանցում է օրգանիզմ: Տվյալ բջիջների վարակումը կարող է բերել հոտառության կորստի, գոյություն չունեցող հոտերի զգացողության:
Գիտնականները հայտարարել են, որ այս ախտանշանով մարդիկ «կարող են լինել թաքնված վիրուսակիրներ, որոնք նպաստում են COVID-19-ի արագ տարածմանը»:
Կոնյուկտիվիտ: Ակնաբույժների ամերիկյան ակադեմիան հաղորդել է, որ կորոնավիրուսը «կարող է բերել թեթև ֆոլիկուլյար կոնյուկտիվիտի առաջացման»: Այս դեպքում դիտվում է աչքերի արյունալեցում, այրոց, քոր, թարախի առաջացում, որը կպչում է թարթիչներին:
Լուծ: Ուհանում, որտեղ սկսվել է COVID-19 բռնկումը, 204 հիվանդի հետազոտումը ցույց տվեց, որ հիվանդների գրեթե կեսը (48,5%) հիվանդանոց դիմել է մարսողության խանգարումներով՝ որպես հիվանդության հիմնական ախտանիշ: Հիմնականում գանգատվել են լուծից:
Ցավ որովայնում: Բրիտանացի փորձագետները հաղորդում են, որ ներկայում երկրի հիվանդանոցներում դիտվում է COVID-19-ով այն հիվանդների քանակի ավելացում, որոնց մոտ ոչ այնքան շնչառական խանգարումներ են դիտվում, որքան որովայնային (ավելի հստակ՝ ցավ որովայնում): Ըստ բժիշկների՝ դա կարող է թոքերի ստորին բլթերում թոքաբորբի հետևանք լինել:
Հոգնածություն: ԱՀԿ-ն հաստատում է, որ կորոնավիրուսային հիվանդության նշան կարող է լինել հիվանդի համար ոչ սովորական արտահայտված հոգնածությունը:
Փորձագետները կոչ են անում վերոնշյալ ախտանիշների դեպքում դադարեցնել շփումը շրջապատի հետ և չհայտնվել հասարակական վայրերում:
Ավելի վաղ MedikForum.ru պորտալը գրել է COVID-19 հիվանդության ժամանակ մարմնի առաջին և հաջորդող հատվածների վարակման ախտանիշների մասին:
