Հնարավո՞ր է կորոնավիրուսով վարակվել երկրորդ անգամ
Հնարավո՞ր է կորոնավիրուսով վարակվել երկրորդ անգամ
«Այժմ ամբողջ աշխարհում ամենաարդիականը կորոնավիրուսի թեման է: Ոչ միայն բժիշկներն ու գիտնականներն են ցանկանում ամբողջովին բացահայտել վիրուսը, այլ նաև սովորական քաղաքացիները:
Մի շարք այլ հարցերի հետ զուգահեռ մարդկանց հետաքրքիր է նաև այն, թե արդյոք մարդը կարո՞ղ է երկրորդ անգամ վարակվել կորոնավիրուսով, ի՞նչ կլինի այդ դեպքում՝ ավելի ծանր կտանի հիվանդությունը, թե՞ թեթև, թե՞ կարող է ճակատագրական լինել:
Ակադեմիկոս, համաճարակաբանության կենտրոնական ինստիտուտի տնօրենի խորհրդական Վիկտոր Մալեեւը հայտնել է, որ Չինաստանում հայտնի են հիվանդության կրկնվող դեպքեր: Բայց նրանք դեռ չեն ստացել միջազգային գիտական ապացույց։
Ըստ Մալեևի կրկնվող դեպքերի պատճառները կարող են տարբեր լինել: Նրա խոսքով հնարավոր է, որ առաջնային ախտորոշումը սխալ է կատարվել՝ կլինիկական տվյալներով՝ առանց լաբորատոր հետազոտությունների անցկացման։
«Եզակի դեպքերում կրկնակի վարակը հնարավոր է, եթե մարդը թուլացած իմունիտետ ունի: Այս դեպքում, նա կարող է մնալ վարակի կրողը, վարակը կարող է դրսեւորվել, ապա անհետանում. Բայց նման բան լինում է շատ հազվադեպ դեպքերում», – հստակեցրել է Մալեևը։
Իսկ ահա ռուսաստանցի մասնագետ, արեւադարձային եւ փոխանցումային հիվանդությունների բժշկական մակաբուծաբանության ինստիտուտի ղեկավար Ալեքսանդր Լուկաշևը հայտարարել է, որ կորոնավիրուսով վարակվելուց հետո առողջացած մարդիկ չեն կարող կրկին հիվանդանալ:
Նրա կարծիքով ՝ կրկնակի վարակման դեպքերի մասին տեղեկությունները չեն համապատասխանում իրականությանը:
Մասնագետը կարծում է, որ այն մարդկանց մոտ, ովքեր իրենց վրա զգացել են այդ հիվանդությունը, իմունիտետ է արտադրվում, այդ պատճառով նրանք չեն կարող երկրորդ անգամ վարակվել նույն կորոնավիրուսով՝ առնվազը մի քանի տարի։
Վիրուսային իմունոլոգիայի ազգային կենտրոնի կենսատեխնոլոգիայի փորձագետ Մարգարիտա Դել Վալն անդրադառնալով 4 բուժաշխատողների կրկնակի վարակման դեպքի մասին լուրին, կարծիք է հայտնել, որ դա կարող է իրատեսական լինել:
Սակայն նա չի բացառել նաև այն, որ հնարավոր է վերջիններս ամբողջությամբ չեն բուժվել և վիրուսը կրկին գլուխ է բարձրացրել նրանց օրգանիզմում: Չի բացառվում նաև, որ դա կարող է սկզբնական սխալ թեստավորման պատճառ լինել:
Մադրիդում հիվանդանոցի իմունոլոգիայի բաժնի պետ Էդուարդո Ֆերնանդես Կրուսը հղում անելով չինացի գիտնականներին բացառել է, որ մարդը կարող է երկրորդ անգամ վարակվել կորոնավիրուսով, եթե անգամ նա նպատակաուղղված շփվի կորոնավիրուսով վարակվածի հետ»։
