Ինչպե՞ս են Կովկասի ժողովուրդներն անվանում հայերին ու Հայաստանը

Ինչպե՞ս են Կովկասի ժողովուրդներն անվանում հայերին ու Հայաստանը

Blognews.am-ը գրում է․ Եկեք միասին պարզենք, թե ինչպես են հայերին անվանում մեր հարևանները՝ Կովկասի ժողովուրդները։

Սկզբում հարկ է նշել, որ աշխարհի լեզուների մեծ մասում հայերին անվանում են «արմեններ» անվան փոփոխված տարբերակներով։ Օրինակ՝ ռուսերենում՝ армяне և Армения, ուկրաիներենում՝ вiрмени և Вiрмения, հունգարերենում՝ örmények և Örményország։

Իսկ ահա կովկասյան ազգերը, որոնք երկար հարյուրամյակներ հարևանություն են արել հայերի հետ, մեզ յուրահատուկ անուններով են կոչում։

Վրացիները հայերին անվանում են სომხები ՝ սոմխեբի, իսկ Հայաստանը՝ სომხეთი՝ Սոմխեթի։ Օսերը նույն արմատն են օգտագործում՝ Սոմիխիսթոն և սոմիխեգտե։

Ժամանակակից ավարները, որոնք Դաղստանի ամենախոշոր ազգն են, հաճախ օգտագործում են Էրմենիստան և էրմենիյալ անվանումները, սակայն ավարերենում այլ անվանումներ ևս կան՝ ЦIамухъ և цIамгIалал։

Չեչենները հայերին կոչում են Эрмалойчоь և эрмал։ Նմանատիպ անվանումներ են օգտագործում նաև չերքեզները՝ Ермэлые և ермэлыбзе։ Աբխազները հայերին կոչում են Шәaмaхьтәылa և ашәамахьцәа։

Քրդերենում անվանումները հետաքրքրական են՝ file և Filestan: Այս բառերով մահմեդական քրդերը երբեմն անվանում են նաև ընդհանուր առմամբ բոլոր քրիստոնյաներին։