Արսեն Ջուլֆալակյանը ոսկե մեդալակիր է դարձել Դանիայի միջազգային մրցաշարում

Հայաստանի հունահռոմեական ոճի ըմբշամարտի հավաքականի անդամ, աշխարհի, Եվրոպայի չեմպիոն, Օլիմպիական խաղերի արծաթե մեդալակիր Արսեն Ջուլֆալակյանը Դանիայում անցկացվող Thor Masters-ում ոսկե մեդալ է նվաճել։

Այս մասին տեղեկացրել է Ջուլֆալակյանը՝ Ինստագրամի իր էջում հրապարակելով լուսանկար և կից կատարելով գրառում։

«Կրկին հանգստյան օր, կրկին ըմբշամարտ և կրկին հաղթանակ։ Thor Masters մրցաշարին 19 երկրից 165 մասնակից կար։ 7 փառահեղ հանդիպում և մեկ քայլ առաջ»,- գրել է Ջուլֆալակյանը։