«Երկիրը դեռ չեմ բարձրաձայնի». Անի Լուպեի նոր ֆոտոշարքն ու 2020 թվականը արտերկրում դիմավորելու մասին

«Երկիրը դեռ չեմ բարձրաձայնի»։ Անի Լուպեն 2020 թվականը դիմավորելու է արտերկրում: Կամերային թատրոնի դերասանուհին BRAVO.am-ին է տրամադրել նոր ֆոտոշարքը՝ խոսելով տոնական տրամադրության եւ մեծ ցանկության մասին:

«Երեւանյան ակումբներից մեկի համար նկարահանում էինք իրականացնում, ու քանի որ լուսանկարվել շատ եմ սիրում, որոշեցինք իմ մասն առանձին ֆոտոշարքի վերածել: Լուսանկարների հեղինակներն իմ լավ ընկերներն են՝ դերասան Հայկ Պետրոսյանն ու կինը՝ Անի Պողոսյանը: Աշխատանքը շատ լավ մթնոլորտում է անցել, արդյունք էլ ավելի լավն է:)»,- նշել է Անին:

Անցնող տարին նա բարեհաջող է համարում.«Յուրաքանչյուր տարին իր դրական եւ բացասական կողմերն է ունեցել: 2019-ը աշխատանքային վերելքների տարի էր, անձնականում էլ ամեն ինչ շատ լավ էր: Վստահ եմ՝ եկող տարին էլ հրաշքներով լի է լինելու: Ցանկանում եմ, որ մկնիկի տարում բոլոր հիվանդներն ապաքինվեն»:

Անին անհամբերությամբ է սպասում տարեմուտին. «Նոր տարին արտերկրում եմ դիմավորելու, բայց թե որ երկրում, դեռ չեմ բարձրաձայնի : Հրաշքների գոյությանն ու իրականացմանը հավատում եմ, դրա համար Ձմեռ պապին նամակ եմ գրելու:)»:

Տոնական սեղանի պատրաստություններին նա չի հասցնում մասնակցել.«Ինձ ոչ մի գործ բաժին չի հասնում, ամենը մայրս ու հարսս՝ Լիլիթն են անում, ես էլ վայելում եմ:)»,- եզրափակել է նա:

Աղբյուր՝ bravo.am