Ինձ մի հատ կոֆե կտա՞ք… Արմեն Սարգսյանը՝ «Արեգակ»​ ներառական​ փուռ-սրճարանում․ Տեսանյութ

Ինձ մի հատ կոֆե կտա՞ք… Արմեն Սարգսյանը՝ «Արեգակ»​ ներառական​ փուռ-սրճարանում։

Հանրապետության​ նախագահ​ Արմեն​ Սարգսյանն այսօր Գյումրիում​ այցելել​ է​ «Արեգակ»​ ներառական​ փուռ-սրճարան՝​ ջերմ​ հյուրընկալության​ արժանանալով​ իր​ համար​ վաղուց հարազատ​ դարձած​ այդ​ վայրում․​ Գյումրիում​ գտնվելիս​ Արմեն​ Սարգսյանը գրեթե​ միշտ​ այցելում​ է​ այստեղ։​

Ջերմ​ ու​ անմիջական​ մթնոլորտում​ նախագահը​ զրուցել​ է​ իր​ վաղեմի​ բարեկամների՝​ փուռ-սրճարանի​ երիտասարդ​ աշխատակիցներ​ Միքայելի,​ Գրիշայի​ և​ մյուսների​ հետ,​ հետաքրքրվել նրանց​ ​ կյանքով​ ու​ աշխատանքով, վայելել նրանց​ թխած թարմ հացաբուլկեղենը։