«Պատրաստ եմ այդ 20 մլն դրամով Հայաստանի 20 չեմպիոնների մասին ֆիլմեր նկարել». Ռուբեն Մխիթարյանը՝ Նիկոլ Փաշինյանին․ Տեսանյութ
«Պատրաստ եմ այդ 20 մլն դրամով Հայաստանի 20 չեմպիոնների մասին ֆիլմեր նկարել»։ Հեռուստատեսային պրոդյուսեր Ռուբեն Մխիթարյանը ֆեյսբուքյան իր էջում անդրադարձել է վարչապետ Նիկոլ Փաշինյանի այսօրվա հայտարարությանը՝ «Մել» ֆիլմի մասին:
«Մենք ֆինանսավորում ենք ֆիլմի այն հատվածը, որը չեմպիոնի մասին է, ուրիշ մասեր չեն ֆինանսավորում»,- մասնավորապես նշել էր վարչապետը:
«Նման բան չի կարող լինել պրոյեկտի ֆինանսավորման մեջ․․․ Էդ 20 մլն դրամը, որը տալիս եք Մելինե Դալուզյանի ֆիլմի՝ իբր չեմպիոնական հատվածը ֆինանսավորելու համար, պատրաստ եմ այդ գումարով նորանկախ Հայաստանի 20 չեմպիոնների մասին փաստավավերագրական ֆիլմեր նկարահանել»,- ասել է Ռ. Մխիթարյանը:
