ԱՄՆ Ներկայացուցիչների պալատը հաստատել է Հայոց ցեղասպանությունը ճանաչող բանաձևը
ԱՄՆ Ներկայացուցիչների պալատը հաստատել է Հայոց ցեղասպանությունը ճանաչող բանաձևը։ Regionmonitor.com կայքի հաղորդմամբ թուրքական ԶԼՄ-ներում տարածված տեղեկատվության համաձայն՝ այսօր Ամերիկայի Միացյալ Նահանգների ներկայացուցիչների պալատը ընդունել է Հայոց ցեղասպանությունը ճանաչող բանաձևը:
Բանաձևի հեղինակը Ներկայացուցիչների պալատի հետախուզության հարցերով հանձնաժողովի նախագահ Ադամ Շիֆն է:
Հրապարակումներում նշվել է, որ բանաձևում առկա ձևակերպմամբ, Ներկայացուցիչների պալատը Հայոց ցեղասպանության ճանաչումը և ոգեկոչումը համարում է ԱՄՆ-ի քաղաքականության մի մաս:
Նշենք, որ ըստ ԱՄՆ Հայ դատի հանձնախումբի տարածած հաղորդագրության վերոնշյալ բանաձևը առայժմ հաստատվել է ԱՄՆ Կոնգրեսի Ներկայացուցիչների պալատի կանոնադրական հանձնաժողովի կողմից և ուղարկել պալատի քննարկմանն ու քվեարկությանը:
