Առաջին կադրերը Գուրգեն Դաբաղյանի հարսանիքից․ ֆոտոշարք

Առաջին կադրերը Գուրգեն Դաբաղյանի հարսանիքից: Քիչ առաջ Երևանի Սուրբ Սարգիս եկեղեցում տեղի է ունեցել Գուրգեն Դաբաղյանի պսակադրությունը: Երգչի ընտրյալը ռուսաստանաբնակ հայուհի Իննան է:

Զույգը պսակադրվել է երգչի մտերիմ ընկերներից մեկի քավորությամբ: Միմյանց հավերժ սիրելու խոստում տալուց եւ ամուսնական մատանիներով փոխանակվելուց հետո նորապսակները ուղեւորվել են քաղաքի ռեստորանային համալիրներից մեկը, որտեղ կիրականացնեն նաեւ զագսի արարողությունը:

Գուրգենը նշել է, որ դեռ նախորդ տարվանից են սկսել հարսանիքի նախապատրաստական աշխատանքները: Իրենց ուրախությունը նրանք որոշել են կիսել շուրջ 450 հյուրի հետ:

«Այս շրջանում որոշեցինք կազմակերպել մեր հարսանիքը, քանի որ հյուրերի մեծ մասը արտերկրից են՝ ԱՄՆ, Ֆրանսիա, Ռուսաստան: Ավանդական հայկական հարսանիք ենք անելու՝ դհոլ-զուռնայով, աղջկա տուն գնալով: Ի դեպ, նախապես չեմ տեսել Իննայի ընտրած հարսի զգեստը. այդ ավանդույթը եւս պահպանել ենք»,-ասել է երգիչը:

Զույգի միջեւ տարիքային տարբերությունը 12 տարի է: Իննան 19 տարեկան է, Գուրգենը՝ 31:

Մեր հարցին՝ ինչպես է սիրելին վերաբերվում Հայաստան տեղափոխվելուն, երգիչն ասել է.«Իննան շատ լավ է տրամադրված, Հայաստանը շատ է սիրում, միշտ էլ մեծ ուրախությամբ է եկել: Ինքս էլ շատ ուրախ եմ, որ կյանքումս կարեւոր անձնական շրջան է սկսվում, նոր փուլ եմ մտնում, նա գրավել է սիրտս»:

Հարսանիքից օրեր անց նորապսակները մեղրամսի կմեկնեն Բալի կղզի:

Bavnews.am-ը շնորհավորում է զույգին և երջանկություն մաղթում:

Աղբյուր՝ bravo.am